Coleg Adfer -Penderfynwch gyda fi
Penderfynwch gyda fi
Ar gyfer defnyddwyr gwasanaeth, staff a gofalwyr
Sesiwn y Coleg Adfer awr a hanner o hyd.
Dyddiad: Dydd Iau 19 eg Mawrth Amser: 2-3.30yp
Lleoliad: Y Trallwng
Beth yw pwrpas y sesiwn:
Mae’r cwrs hwn yn archwilio gwneud penderfyniadau am driniaeth a gofal ar sail gwybodaeth a phrofiad proffesiynol yn gyfartal, a hunanwybodaeth a phrofiad y person y mae ei ofal yn cael ei drafod a’i ofalwr(wyr). Fel y person y mae ei ofal yn cael ei drafod, rydych chi’n gwybod beth sy’n gweithio neu sydd ddim yn gweithio i chi, eich dewisiadau, a beth sy’n bwysig i chi. Fel gweithiwr proffesiynol, rydych chi’n gwybod yr opsiynau sydd ar gael, beth sy,n gweithio amlaf i bobl, beth mae’r ymchwil yn ei ddweud a sut mae’r gwasanaeth yn gweithio gan gynnwys yr hyn y gall a’r hyn na all ei gynnig. Rydym yn siarad ychydig am yr hyn y gellir ei gyflawni trwy ddeall a gweithio gyda safbwynt ein gilydd ar y byd.
Trafodir manteision perthynas gyfartal ac archwilir y cydbwysedd pŵer rhwng y gweithiwr proffesiynol a’r bobl maen nhw yno ar eu cyfer. Gwahoddir cyfranogwyr i ystyried y cydbwysedd pŵer yn eu perthnasoedd triniaeth a gofal nawr, a beth y gellid ei wneud i wneud hynny’n fwy cyfartal.
Yr hyn i’w ddisgwyl:
Mae’r sesiwn hon yn rhad ac am ddim.
Grŵp bach fydd hwn hyd at uchafswm o 12 o bobl.
Mae’r bobl yn y grŵp hwn yn cynnwys:-
pobl gyda phrofiad byw o heriau iechyd meddwl,
pobl sy’n cefnogi neu’n gofalu amdanynt, ar gyflog neu’n ddi-dâl – gan gynnwys gweithwyr iechyd meddwl proffesiynol
Bydd y seddi ar gael wrth fwrdd. Rydym yn ceisio diwallu anghenion pawb gyda gweithgareddau ystyriol ar gael i’rrhai sy’n eu hoffi neu sydd eu hangen.
Bydd gan un arweinydd grŵp brofiad o ddefnyddio gwasanaethau Tîm Iechyd Meddwl Cymunedol, a bydd y llall yn weithiwr proffesiynol sydd wedi gweithio o fewn y tîm.
Bydd cyflwyniadau byr ar y sgrin, gyda thrafodaethau rhwng y sleidiau.
Os oes unrhyw beth rydych chi eisiau ei wybod yn arbennig, dewch gyda chwestiynau i’r grŵp.
Nid oes rhaid i chi rannu eich profiadau personol os nad ydych chi eisiau. Os ydych chi’n rhannu, byddwch yn ystyriol o sut y bydd hynny’n effeithio arnoch chi ac eraill.
Rydych chi'n rhydd i symud o gwmpas os oes angen yn ystod y sesiwn.
Bydd te, coffi a bisgedi ar gael i'r rhai sy'n cyrraedd yn gynnar.
Mae lle i ‘seibiant’ os oes ei angen arnoch ar unrhyw adeg yn ystod y sesiwn.
Gallwch adael unrhyw bryd.
Does dim rhaid i chi siarad os nad ydych chi eisiau.
Am ragor o wybodaeth neu i fachu lle cysylltwch â:-
Penny Gripper
E-bost: Penny.Gripper2@wales.nhs.uk
Ffôn: 07754 452905
Sganiwch y cod QR i gofrestru ar gyfer y cwrs ar-lein
https://forms.office.com/e/LsSbbZGX4z
