Llinellau Cymorth Cenedlaethol

Mae Umbrella Cymru, sy’n arbenigo mewn Cymorth Rhywedd a Hunaniaeth Rywiol yn cynnig gwasanaethau i helpu gwneud Cymru’n lle mwy cynhwysfawr i fyw a gweithio ar gyfer pobl LGBTQ+. Mae hyn yn cynnwys cymorth uchel ei safon o safbwynt emosiynol ac ymarferol, ynghyd â gwybodaeth, eiriolaeth a llawer mwy.

Sefydlwyd Campaign Against Living Miserably (CALM) i leihau’r nifer uchel o achosion o hunanladdiad ymhlith dynion dan 35 oed, ond mae CALM yn gwrando ar unrhyw un sydd angen cymorth neu gefnogaeth.

Mae Connecting with People yn cynnig adnodd ar-lein ‘Staying safe if you’re not sure life’s worth living’ sy’n cynnig gwybodaeth i bobl mewn trallod ac sydd efallai’n ystyried lladd eu hunain.

Mae Diverse Cymru yn darparu cymorth, gwasanaethau a chyngor i bobl Ddu ac o Leiafrifoedd Ethnig (BME) ar hyd a lled Cymru, sy’n cael eu heffeithio gan afiechyd meddwl. Gallwch lawrlwytho taflen briffio ymarfer dda ar y problemau sy’n poeni cymunedau BME gydag afiechyd meddwl yng Nghymru, gydag argymhellion ar gyfer camau gweithredu, yma.

Family Lives (Parent Line gynt) – gallwch ffonio unrhyw adeg o’r dydd i drafod problemau teuluol.

Farming Community Network Helpline – croeso ichi ein ffonio i gael sgwrs gyda rhywun sy’n deall ffermio a bywyd yng nghefn gwlad. Bydd rhywun yn ateb galwadau rhwng 7am – 11pm bob diwrnod o’r flwyddyn.

Mae Kooth yn cynnig cymorth a chwnsela ar-lein ar gyfer pobl dan 25 oed. Llinell gymorth ddwyieithog am ddim ar gyffuriau sydd yn fan cyswllt ar gyfer unrhyw un yng Nghymru sydd eisiau mwy o wybodaeth neu gymorth mewn perthynas â chyffuriau neu alcohol.

Arweiniad ar hunan-niwed a chymorth rhwydwaith, sy’n cynnig tudalen llinell gymorth hefyd.

Mae Llinell Gymorth Call yn cynnig cefnogaeth emosiynol a gwybodaeth/llenyddiaeth ar Iechyd Meddwl a materion cysylltiedig i bobl yng Nghymru.

Mae llinell gymorth Dementia yn cynnig cymorth emosiynol i unrhyw un, o unrhyw oed, sy’n gofalu am rywun gyda Dementia ynghyd ag aelodau eraill y teulu neu ffrindiau.

Gall byw gyda salwch meddwl fod yn brofiad unig a heriol. Dyma’r wefan i gael hyd i gymorth, i ddysgu am anhwylderau gwahanol, a chael gwybodaeth ynghylch lle mae cymorth ar gael, trwy gyfrwng y Gymraeg. Y gobaith yw gallu rhannu gwybodaeth ddefnyddiol i bawb sy’n byw gyda salwch meddyliol, eu teuluoedd a ffrindiau.

Gwasanaeth llinell gymorth yw Meic ar gyfer plant a phobl ifanc hyd at 25 oed yng Nghymru.

Mae Mind yn cynnig dau wasanaeth cyfrinachol ym maes iechyd meddwl. Gyda chymorth a dealltwriaeth, rydym yn galluogi pobl i wneud dewisiadau deallus. Cysylltwch â llinell wybodaeth Mind neu wasanaeth cyngor cyfreithiol Mind.

Mae llinell gymorth Mindline Trans+ yn wasanaeth gwrando cyfrinachol, di-duedd ar gyfer pobl sy’n uniaethu fel Trans+, anneuaidd, a’u ffrindiau a theuluoedd.

Cyngor a gwybodaeth cyfrinachol am ddim ar gyfer gofalwyr.

Mae SANE yn rhedeg llinell gymorth genedlaethol, tu allan i oriau, sy’n cynnig cymorth a gwybodaeth emosiynol arbenigol i unrhyw un sy’n cael eu heffeithio gan afiechyd meddwl, gan gynnwys teulu, ffrindiau a gofalwyr.

Cefnogaeth emosiynol, rhywun i wrando ac sy’n cynnig arwyddbyst i ferched sy’n cael eu heffeithio gan hunan-niwed.