Gwasanaethau’r GIG

Y gwasanaeth cymorth dros y ffôn hwn yw’r man cychwyn nawr os ydych yn chwilio am gymorth iechyd meddwl ym Mhowys.

Mae'r gwasanaeth ar gael i bobl o bob oed, 24 awr y dydd, 7 diwrnod yr wythnos ym Mhowys, a phob rhan o Gymru, i sicrhau bod pobl sydd angen cymorth yn gallu cael gafael arno’n gyflym pan fydd ei angen arnynt fwyaf.

Os ydych chi eisiau siarad â rhywun ar frys am eich iechyd meddwl, neu os ydych chi'n poeni am aelod o'r teulu, ffoniwch GIG 111 Cymru a dewiswch opsiwn 2 i'ch cysylltu’n uniongyrchol â gweithiwr iechyd meddwl proffesiynol ym Mhowys.

Gallwch ffonio am ddim o linell ffôn neu ffôn symudol, hyd yn oed os nad oes gennych gredyd ar ôl.

Gall y tîm dderbyn galwadau gan bobl ag angen iechyd meddwl - gan gynnwys y rhai nad ydynt yn hysbys i wasanaethau o gwbl - ac atgyfeirio at wasanaethau o fewn iechyd meddwl, gan gynnwys ond heb fod yn gyfyngedig i'r tîm Iechyd Meddwl Sylfaenol Lleol, tîm Iechyd Meddwl Cymunedol, tîm Triniaeth Cartref Datrys Argyfwng, tîm Amenedigol, Seicosis Ymyrraeth Gynnar, Gwasanaethau Anhwylder Bwyta,  ac un pwynt mynediad i Wasanaethau Iechyd Meddwl Plant a'r Glasoed.

I gael mynediad i'r gwasanaeth rhad ac am ddim ffoniwch 111 a dewiswch opsiwn 2.

Os ydych wedi bod yn glaf yn y gorffennol sy'n derbyn gofal gan eich Tîm Iechyd Meddwl Cymunedol, ac wedi cael eich rhyddhau yn ystod y tair blynedd diwethaf, mae gennych hawl gyfreithiol i ofyn i wasanaethau iechyd meddwl eich asesu o dan Ran 3 o'r Mesur Iechyd Meddwl. Nid oes angen gofyn i'ch meddyg teulu wneud yr atgyfeiriad ar eich rhan, gallwch gysylltu â'ch Tîm Iechyd Meddwl Cymunedol yn uniongyrchol.

Ar draws Powys mae gan eich gweithiwr iechyd meddwl proffesiynol fynediad i allu eich atgyfeirio at naill ai:

• Gwasanaeth Iechyd Meddwl Gofal Sylfaenol – sy’n cynnig gwybodaeth a chymorth, cwnsela, ymyriadau tymor byr, arwyddbyst at y sector gwirfoddol a gwybodaeth
• Gwasanaeth Iechyd Meddwl Eilaidd - sef y Timau Iechyd Meddwl Cymunedol. Mae’r Timau hyn yn cynnwys Seiciatrydd, Nyrsys Seiciatrig Cymunedol (CPN), Gweithwyr Cymorth a Gweithwyr Cymdeithasol. Maent yn gallu eich atgyfeirio i’r tîm Therapi Seicolegol.

9am – 9pm 7 diwrnod yr wythnos.

Mae’r timau hyn yn cynnig cymorth mwy dwys ac yn gweithio tu allan i oriau. Mae’r timau’n cynnwys Seiciatrydd, Nyrsys Seiciatrig Cymunedol (CPN), Gweithwyr Cymorth a Gweithwyr Cymdeithasol.

Hwyrach y byddwch yn gofyn am Apwyntiad Brys gyda’r Meddyg Teulu.
Os oes angen ichi weld meddyg teulu ar gyfer gofal iechyd ac nid yw eich meddygfa arferol ar agor, gallwch gysylltu at GIG 111 Cymru drwy ffonio 111.

Yn darparu gwybodaeth a chyngor ar iechyd, gan gynnwys mynediad at wasanaethau Meddyg Teulu tu allan i oriau. Hefyd mae GIG 111 Cymru’n darparu gwybodaeth ddefnyddiol ar-lein trwy wefan GIG 111 Cymru.